CRTVG

Buscar

CRTVG Viva

Fin de semana chave para Celta, Dépor e Lugo, que medirán as aspiracións para o resto da temporada na Radio Galega

18/01/2019

A oferta deportiva da Radio Galega complétase cos encontros da ACB dos equipos galegos e un ‘Galicia en Toquio’ dedicado a Gómez Noya

Fin de semana chave para Celta, Dépor e Lugo, que medirán as aspiracións para o resto da temporada na Radio Galega

Santiago, 18.01.2019.- A programación deportiva nas ondas públicas comeza o sábado ás 12.00 horas. Alfonso Pardo desprázase ata Pontevedra para dedicar a edición de ‘Convivir deportivo’ á Gala do Tenis Galego, que celebra o seu trinta aniversario.

Desde as tres da tarde, Xoán Galán dirixe o ‘Galicia en goles’, que nas súas primeiras horas de emisión estará dedicado ao fútbol xuvenil. Logo chegará o tempo do baloncesto cos partidos COB Ourense - Granada da LEB Ouro, Uni - El Pastor da Liga Feminina e o derbi Celta - Cortegada da segunda categoría. Tamén terá presenza o fútbol sala feminino co Burela - Femisport en Vista Alegre.

A partir das oito do serán, toda a atención estará posta no fútbol profesional. Desde Balaídos, Roberto Carlos Carballo, Víctor López e Moncho Carnero contarán o decisivo Celta – Valencia, partido no que o Celta tentará romper coa súa serie de malos resultados e afastarse dos postos de descenso. Ademais, ata A Rosaleda viaxa Andrés Vieites para retransmitir o Málaga - Lugo. Dada a importancia dos dous encontros, o ‘Galicia en goles’ amplía a emisión este sábado ata as once e media da noite para ofrecer todas as opinións dos protagonistas desde os dous estadios.

Cando remate a competición, Toni López García repasará ás 23.30 horas toda a actualidade do deporte olímpico no ‘Galicia en Toquio’. Desta volta, Javier Gómez Noya e a homenaxe ao Bruxo Torrado serán os principais argumentos.

ler máis

Miniderbi galego esta fin de semana, co Celta B – Fabril como encontro máis destacado

18/01/2019

Ademais do fútbol, os espectadores da TVG poderán gozar do baloncesto e do balonmán da man do Balonmán Porriño

Miniderbi galego esta fin de semana, co Celta B – Fabril como encontro máis destacado

Sábado, 18.01.2019.- Fin de semana chea de deportes na CRTVG, que ofrecerá o miniderbi galego por excelencia, o eterno enfrontamento entre os mellores equipos galegos, Dépor e Celta, aínda que, neste caso, os seus filiais.

Pero amais do derbi, haberá moita máis oferta deportiva. O primeira cita será o sábado co mellor baloncesto. A partir das 18.00 horas enfróntanse o Río Ourense e o Corvirán Granada da LEB Ouro. O encontro pódese seguir en directo na tvG2 e a través da web.

ler máis

'Luar' recibe este venres a cantante malagueña Pasión Vega e a Budiño, un dos gaiteiros galegos máis internacionais

18/01/2019

A proposta musical desta noite complétase co ‘rock rústico’ de El Koala, coa singular proposta de A Banda dos Insectos e coas actuacións da orquestra New York, do Real Coro Toxos e Froles e do grupo de música tradicional Tahúme

'Luar' recibe este venres a cantante malagueña Pasión Vega e a Budiño, un dos gaiteiros galegos máis internacionais

Santiago, 18.01.2019.-  O programa ‘Luar’ (22.00 h.) recibirá hoxe a visita de Pasión Vega. A cantante malagueña presentará o seu novo disco, ‘40 quilates’, o seu oitavo traballo de estudio, unha proposta ecléctica e elegante, en que se reflicte a madurez e a experiencia adquirida tras máis de 20 anos de exitosa carreira musical.

Tamén presentará novo traballo en ‘Luar’ Budiño, un dos gaiteiros galegos máis internacionais. Despois de seis anos de silencio, publica o 25 de xaneiro ‘Fulgor’, un álbum con 100 cancións orixinais, compostas, producidas e cantadas por el mesmo, que constrúe un universo ultramoderno cun pé na raíz e outro no abismo.

Ademais, o espazo da TVG contará co ‘rock rústico’ de El Koala e coa singular proposta de A Banda dos Insectos, un proxecto enfocado a todos os nenos e nenas amantes do baloncesto, para que se familiaricen coa linguaxe deste deporte mediante a música.

A proposta musical desta noite complétase coas actuacións da orquestra New York, do histórico Real Coro Toxos e Froles, do grupo de baile e música tradicional Tahúme e da formación castelá Vigüela, que leva máis de 30 anos dedicados á música tradicional da Península Ibérica.

No tempo de ‘Recantos’, que esta semana comeza nova fase, con só 12 concursantes en liza, será a quenda de Dolores Tasende, representante da comarca Terras da Coruña, e Esteban Fuentes, procedente de Compostela.

ler máis

O programa de humor da Radio Galega 'Como que non?' poderase ver na tvG2

17/01/2019

A segunda canle da Galega ofrecerá cada venres (22.45 h.) o videopodcast deste show radiofónico, presentado por Carlos Tresandí, que ofrece monólogos, actuacións musicais e concursos

O programa de humor da Radio Galega 'Como que non?' poderase ver na tvG2

Santiago, 17,01.2019.-    Os medios públicos galegos continúan a establecer pontes e a partir deste venres a tvG2 ofrecerá, arredor das 22.45 h., o videopodcast de 'Como que non?', programa de humor e variedades da Radio Galega presentado por Carlos Tresandí. Co humor como bandeira e a participación do público en directo, trátase dun espazo de radio que tamén se adecúa moi ben á emisión televisiva.

Desde o bar The City de Vigo, a RG ofrece cada domingo á noite un show con monólogos, actuacións musicais e concursos, que a partir de agora tamén se poderá ver os venres na segunda canle da Galega. O programa estreouse en setembro de 2017 e nesta segunda temporada aumentou a súa duración.

'Como que non?' conta cada semana coa colaboración de Fernando Erre que Erre, encargado da sección 'Xeración espontánea', sobre os millennial; Iván Müller, que achega 'As preguntas de Chola'), e Alejandro Martínez "Pini".

Na emisión deste venres, o programa terá aos micrófonos e diante das cámaras o cómico, guionista e presentador Víctor Grande e a humorista Ángela Triana, unha das cómicas máis emerxentes da escena galega, cun monólogo fresco e dinámico en que fala da súa infancia e xuventude.

A música, outro dos piares de 'Como que non?', correrá nesta ocasión a cargo do dúo Two in the Mirror, que contan un extenso repertorio de versións de cancións soul, pop, jazz e funky.

ler máis

O coreógrafo Poty, amais de pintar a mona, coñecerá no 'Land Rober Tunai Show' o ritmo dos galegos bailando

17/01/2019

O actor vilagarcián Manuel Millán, o popular padre Nicanor en 'Pratos combinados', porá a proba o seu humor tamén esta noite no programa

O coreógrafo Poty, amais de pintar a mona, coñecerá no 'Land Rober Tunai Show' o ritmo dos galegos bailando

Santiago, 17.01.2019.-  Chega unha nova edición do 'Land Rober Tunai Show' (22.10 h.) para os seguidores do programa máis tolo da Televisión de Galicia. Roberto Vilar, xunto a Xosé A. Touriñán e Eva Iglesias, volverán superarse un xoves máis cos seus disparados sketchs e propostas de humor.     

Esta semana acudirá o televisivo Poty pintar a mona ao 'Land Rober Tunai Show'. O coñecido coreógrafo vai coñecer, en primeira persoa, o ritmo que ten o público galego nun enfrontamento de bailes en que pode pasar de todo.

Amais, Poty vai demostrar as súas táboas interpretativas nun sketch moi rural ao que se unirá o actor galego Manuel Millán, o famoso padre Nicanor de 'Pratos combinados', que porá a proba tamén o seu humor esta noite no programa.

ler máis

'Ao contraataque' da RG viviu unha edición especial dende Riazor, dedicada ao Deportivo

16/01/2019

Tino Fernández, Álex Bergantiños e Borja Valle fixeron balance do equipo nun espazo que  tamén contou co humor de X.A. Touriñán e David Perdomo

'Ao contraataque' da RG  viviu unha edición especial dende Riazor, dedicada ao Deportivo

Santiago.17.01.2019.- Este pasado xoves, o programa deportivo da Radio Galega 'Ao contraataque' saiu dos estudios de San Marcos e desprazouse ata o estadio de Riazor para emitir unha edición especial  centrada no Deportivo.  O programa tivo lugar nunha sala VIP ateigada de xente, que tiveron a oportunidade de gañar cinco entradas dobres para o  Deportivo - Albacete do próximo domingo ás seis da tarde

ler máis

O marqués de 'Lobos e cordeiros' desconfía de que a súa muller estea detrás da liquidez dos Mendoza

16/01/2019

Mentres tanto, alguén do pazo está a colaborar en segredo con Pepa a Loba, a outra inimiga do nobre

O marqués de 'Lobos e cordeiros' desconfía de que a súa muller estea detrás da liquidez dos Mendoza

Santiago, 16.01.2019.- Televisión de Galicia ofrece hoxe o terceiro capítulo de “Lobos e cordeiros” (22.15 h.), serie de época ambientada a finais do século XIX en Ourense, que presenta tramas de intriga e amores imposibles entre unha familia nobre, outra burguesa e unha terceira campesiña.

Na entrega de hoxe, Mario é aceptado nunha escola de arte. Buscar a inspiración dos seus debuxos en Helena pode traerlle aínda máis problemas agora que o capitán Bermúdez quere comezar a cortexala.

Cando o marqués sabe que os Mendoza volven ter liquidez para continuar coas obras do balneario, desconfía da súa muller. Co que non conta é con que alguén do pazo está a colaborar tamén coa súa outra inimiga, nada menos que Pepa a Loba.

ler máis

Os 'Larpeiros' propoñen hoxe un menú informal, cun orixinal espeto de pavo con verduras e froitas

15/01/2019

O comensal máis viaxeiro percorrerá bares que son famosos polos seus saborosos bocadillos

Os 'Larpeiros' propoñen hoxe un menú informal, cun orixinal espeto de pavo con verduras e froitas

Santiago, 15.01.2019.-  Na casa dos 'Larpeiros' (22.45 h.) celebrarase hoxe unha comida informal, que existe máis alá das tapas e petiscos: os bocadillos, os sándwichs, os espetos... Plans que dan moitas alegrías! Con este propósito, Benigno propón cociñar uns espetos ben orixinais de pavo, con verduras e froitas, e acompañado tamén por unha ensalada de arroz. Un prato orixinal e cheo de sabor, que fará xunto á gran cociñeira Celia Cabrera.

Pola súa banda, o larpeiro máis viaxeiro, Adrián, está de sorte. Vai facer o que máis lle gusta, probar cousas ricas. Fará un interesante tour por bares, que son famosos polos seus deliciosos bocadillos. Algún mesmo con premios importantes por esta especialidade.

E a reposteira Merchi vai preparar unha lambetada sinxela e moi rica: mousse con picotas e galletas de canela. Un grande espectáculo doce, que fará posible grazas á querida Lola.

ler máis

Os autónomos premian o labor de apoio da CRTVG ao tecido industrial galego

14/01/2019

Esta distinción outorgouse no marco da décima edición do Congreso de Traballadores Autónomos de Galicia, desenvolvido en Sanxenxo

Os autónomos premian o labor de apoio da CRTVG ao tecido industrial galego

Santiago, 14.01.2019.-  Os traballadores autónomos galardoaron a Corporación de Radio e Televisión de Galicia polo seu labor de apoio ao tecido industrial galego. Este recoñecemento concedeuse no transcurso do décimo Congreso de Traballadores Autonómos de Galicia, celebrado esta fin de semana pasada en Sanxenxo, co que este colectivo premia os seus profesionais.

ler máis

A RG retransmitirá este martes o partido do Parrulo Ferrol – Ribera Navarra, na procura da fase final da Copa do Rei

14/01/2019

Raúl Villares, Julio Fernández e Alfonso Núñez narrarán un dos partidos máis importantes da historia do conxunto ferrolán

A RG retransmitirá este martes o partido do Parrulo Ferrol – Ribera Navarra, na procura da fase final da Copa do Rei

Santiago, 14.01.2019.-  Este martes, a Radio Galega retransmite desde o pavillón da Malata un partido histórico. O Parrulo Ferrol enfróntase diante dos seus seareiros ao Ribera Navarra, nos  cuartos de final da  Copa do Rei de fútbol sala.

Desde as 19.45 horas, Toni López García dirixe a retransmisión que os oíntes poderán seguir a través da web da Radio Galega (radiogalega.gal) e pola aplicación para o móbil. Raúl Villares encargarase da narración do xogo, arroupado polos comentarios de Julio Fernández e con Alfonso Núñez no micrófono sen fíos a pé de pista.

O Parrulo afronta unha das citas máis importantes xa non só da temporada, senón da súa historia recente. A eliminatoria de cuartos de final dispútase a partido único e en caso de superala, o equipo que prepara Diego Ríos achegaríase por primeira vez á fase final da Copa do Rei, que se disputará os días 4 e 5 de maio nunha sede aínda por concretar.

Na Liga, o Parrulo está nunha situación relativamente cómoda, afastado dos postos do descenso e cun colchón de cinco puntos sobre o seguinte clasificado. O Ribera Navarra é oitavo e a priori preséntase como favorito, aínda que o feito de xogar na casa seguramente axudará o cadro galego.

O equipo deportivo da Radio Galega contará integramente o que suceda no parqué do pavillón ferrolán e prolongará a emisión ata escoitar os protagonistas na sala de prensa. A partir das once da noite, o partido tamén será protagonista no programa deportivo 'Ao Contraataque', que dirixe Pedro Pablo Alonso.

ler máis