CRTVG

Buscar

CRTVG Viva

A TVG, líder entre as canles autonómicas cunha cota media do 10,5% no que vai de ano

01/08/2017

En xullo, a canle pública conseguiu un 10,4% de share no conxunto do día e un 11,1% no 'prime time', medrando 7 décimas con respecto ao mesmo mes de 2016

Na faixa informativa do mediodía, Televisión de Galicia segue na primeira posición, cunha cota do 20,9% de luns a venres

 

A TVG, líder entre as canles autonómicas cunha cota media do 10,5% no que vai de ano

Santiago, 01.08.2017.-  A Televisión de Galicia continúa un mes máis a ser líder de audiencia entre as canles autonómicas, acadando un 10,5% de cota media no que vai de ano. En xullo, a TVG consegue un 10,4% de share no conxunto do día e un 11,1% no prime time. Con respecto ao mesmo mes de hai un ano, a canle pública galega é a única das grandes canles que logra incrementar audiencia, medrando 7 décimas, o que implica un incremento do 7,1%.

Na faixa informativa do mediodía, a Televisión de Galicia mantense como líder cunha cota do 19,7%, aumentando a un 20,9% de luns a venres. Os programas informativos que máis medraron no mes foron o 'Bos Días' cun incremento de 4,2 puntos, 'Telexornal Serán Fin de Semana' que sumou 2,3 puntos, 'A Revista Fin de Semana' cun aumento dun punto, e 'Telexornal Noite' e 'Galicia Noticias' que medraron oito décimas cada un. No ranking dos 25 programas máis vistos en Galicia, a TVG acada a primeira posición con 15 emisións e conta con 9 dos programas máis vistos polo público de entre 25 e 44 anos, entre os que se atopan os catro con máis audiencia.

Por outra banda, no conxunto do día a canle pública galega destaca polas audiencias de venres a domingo con valores de 11,1%, 12,2% e 10,7% respectivamente, que incrementan no prime time cun 12,2% os venres, 12,9% os sábados e 11,7% os domingos.

Ademais, cabe salientar que a TVG actúa coma un dos principais motores da FORTA, superando a este grupo no conxunto do mes en 3,2 puntos de cota e no prime time á media das canles autonómicas en 3,4 puntos.

ler máis

TVG, líder de audiencia cun 21,7% coa retransmisión dos fogos do Apóstolo na noite do 24 de xullo

26/07/2017

O programa especial desde a praza do Obradoiro logrou un minuto de ouro preto da media noite cunha cota do 32,4%

O martes, 25 de xullo, Televisión de Galicia foi a canle máis seguida na comunidade galega e a máis vista entre todas as autonómicas, acadando un 12,9% de cota media

A audiencia apoiou a emisión por Facebook Live con case 40.000 visualizacións e 128.400 persoas acadadas

TVG, líder de audiencia cun 21,7% coa retransmisión dos fogos do Apóstolo na noite do 24 de xullo

Santiago, 26.07.2016.-  A retransmisión dos fogos do Apóstolo do luns 24 na Televisión de Galicia acadou un 32,4% de audiencia ás 23.56 h., facéndose co minuto de ouro, en que 268.000 persoas estaban vendo o espazo, e logrou unha cota de pantalla media do 21,7%.  A TVG foi líder toda a xornada, tanto en entretemento coma en informativos, cun 12% de cota media no conxunto do día. Ademais, o 'Telexornal Mediodía' foi o segundo programa máis visto do luns, e o informativo máis seguido, cunha cota do 23,8%.

O martes 25 de xullo, a TVG fíxose co liderado tanto en Galicia coma entre as canles autonómicas, acadando un 12,9% e contando coas emisións máis vistas na comunidade galega: os espazos informativos 'Telexornal Mediodía' e 'Galicia Noticias'.

Ademais, o espazo de entretemento 'Sopa de Festa' foi o programa non informativo máis visto da xornada, cunha audiencia do 18,5%. Pola noite, a 'Gala Especial do 25 de xullo' contou cun 13,6% de media. A retransmisión da misa e a película 'Os Fenómenos' tamén destacaron polos seus bos datos de audiencia, xa que conseguiron un 12,5% e un 8,1%, respectivamente.

FACEBOOK LIVE

ler máis

A TVG foi líder absoluta de audiencia en Galicia durante os meses de abril e maio, segundo os últimos datos do EXM

05/07/2017

Acadou un 15,9% de cota de pantalla de luns a domingo e un 16,1% de luns a venres, o que a confirma como a canle autonómica máis vista

Con respecto á anterior onda, é a televisión que máis share logra sumar, ademais de anotar os mellores rexistros de audiencia nas franxas da mañá, a sobremesa e a noite

A TVG foi líder absoluta de audiencia en Galicia durante os meses de abril e maio, segundo os últimos datos do EXM

Santiago, 05.07.2017.-   A TVG acadou durante os meses de abril e maio o liderado absoluto de audiencia en Galicia. Segundo os datos da segunda onda do Estudo Xeral de Medios (EXM), a canle pública galega rexistrou durante este período un 15,9% de cota de pantalla de luns a domingo, o que a confirma como líder entre as canles autonómicas.

ler máis

A TVG volveu ser líder de audiencia entre as televisións autonómicas no mes de abril

01/05/2017

Na comunidade autónoma, a Televisión de Galicia situouse como segunda canle máis vista no "prime time"

A TVG volveu ser líder de audiencia entre as televisións autonómicas no mes de abril

Santiago, 01.05.2017.-    A TVG foi a televisión autonómica máis vista durante o mes de abril, cun 10,4% de cota de pantalla no total día, mantendo esta posición por cuarta vez desde decembro pasado e aumentando a súa distancia sobre a seguinte canle en audiencia, que foi a catalá TV3 (9,6%). A continuación situáronse a andaluza Canal Sur (9,4%) e Aragón TV (8,4%).

En Galicia a canle pública galega estivo só por detrás de Telecinco na faixa horaria do prime time ou de maior seguimento, cunha cota do 10,7%, e mantén esa posición por quinto mes consecutivo.

ler máis

O Estudo Xeral de Medios sinala que a TVG foi a canle máis vista en Galicia no último ano

19/04/2017

A canle pública alcanzou unha cota de pantalla do 15 por cento segundo os datos correspondentes ao ano móbil da primeira onda de 2017

O Estudo Xeral de Medios sinala que a TVG foi a canle máis vista en Galicia no último ano

Santiago, 19.04.2017.-   No último ano, a TVG liderou a audiencia en Galicia cunha cota de pantalla diaria do 15 por cento. Os datos correspondentes ao ano móbil da primeira onda do Estudo Xeral de Medios, de abril de 2016 e este mes de marzo,  sitúan a canle pública como a máis vista na comunidade cunha marxe de máis dun punto sobre Antena 3. Os luns son os días con maior share cunha media do 17 por cento, seguidos dos da fin de semana en que se supera a cota do 15 por cento.

No período de referencia deste primeira onda do informe, elaborado polo sistema de enquisa,  a Televisión de Galicia alcanzou unha cota de pantalla diaria do 14, 6 por cento, e confirmouse como a referencia informativa para as galegas e galegos. Na faixa horaria da sobremesa, en que se emiten 'A Revista', 'Galicia Noticias' e o 'Telexornal Mediodía',  a televisión autonómica  obtivo unha cota de pantalla do 25, 8 por cento, máis de sete puntos por riba de calquera outra canle.  

Os espectadores tamén apoian especialmente a programación emitida de venres a luns na franxa de noite con cifras por riba da media diaria. Os sábados, día de emisión de 'Bamboleo', a audiencia alcanza o 17,9 por cento.

ler máis

A TVG foi a única canle autonómica líder de audiencia na súa comunidade durante a Semana Santa

17/04/2017

Acadou unha cota media de pantalla do 11,8% e foi o único medio público da FORTA en superar a barreira do 10% de 'share’

A TVG foi a única canle autonómica líder de audiencia na súa comunidade durante a Semana Santa

Santiago, 17.04.2017.- A TVG foi a canle máis vista en Galicia en Semana Santa e a única autonómica líder de audiencia na súa comunidade. Durante o período de vacacións comprendido entre o xoves e o domingo, acadou un share de 11,8% e foi o único medio da FORTA que logrou superar a barreira do 10% de cota de pantalla.

ler máis

A Televisión de Galicia rematou marzo como canle autonómica líder

01/04/2017

Acadou unha cota de pantalla media do 10,7% e mantivo a súa primeira posición por terceira vez desde decembro

 

Ademais, no horario de 'prime time' obtivo a segunda posición en Galicia cun share do 11,4% e só por detrás de Telecinco

A Televisión de Galicia rematou marzo como canle autonómica líder

Santiago, 01.04.20176.-    A TVG foi a televisión autonómica máis vista durante o mes de marzo, cun 10,7% de cota de pantalla media, mantendo esta posición por terceira vez desde decembro pasado. As seguintes canles en audiencia foron a catalá (10,3), a andaluza (9,4) e a aragonesa (8,7).

En Galicia a canle pública galega estivo so por detrás de Telecinco na faixa horaria do prime time, cunha cota do 11,3%, e mantén esa posición por cuarto mes consecutivo. Ao 10,7% do total día hai que sumar os datos da tvG2, xa que a segunda canle achega outros 0,6 puntos correspondentes á súa audiencia media no total día de marzo.

Os programas de entretemento máis vistos do mes de marzo foron a serie 'Serramoura', os domingos, e 'Land Rober Tunai Show' os xoves pola noite. E, para confirmar o favorable peche do mes de marzo, este venres os dous programas con maior cota de pantalla en Galicia foron os informativos da TVG Galicia Noticias Mediodía, cun 28,5%, e Telexornal Mediodía cun 23%, mentres que no prime time 'Luar' foi a segunda opción máis preferida polos galegos, cun 14%.

Por outra parte, a audiencia social dos medios públicos estivo a respaldar con grande éxito o novo espazo da Televisión de Galicia, 'Destino Santiago', que segue en tempo real e desde o 21 de marzo a peregrinaxe a Compostela dos artistas Lucía Pérez e Tonhito de Poi. Esta primeira experiencia multimedia de slow TV en España, que se pode ver en directo en www.destinosantiagotvg.gal durante doce horas ao día, está a ter tamén un amplo seguimento en redes sociais, e acumula xa 32 millóns de impresións en Twitter. A emisión en streaming a través da web da CRTVG está a ter tamén un gran alcance e conta con seguidores en países tan variados como O Reino Unido, O Xapón, Suíza, Alemaña, Estados Unidos, Francia, Holanda, Bélxica ou México.

ler máis

A Televisión de Galicia remata o ano colocándose como líder de audiencia das canles autonómicas

30/12/2016

Acadou en decembro unha cota de pantalla do 11,4%, rachando anos de liderado da televisión catalá

A TVG foi a escollida polos galegos na xornada da Noitevella, cunha cota de pantalla do 18,3%

No cómputo de 2016 foi, xunto con TVE, a única das canles xeneralistas que mellorou a súa audiencia

 

A Televisión de Galicia remata o ano colocándose como líder de audiencia das canles autonómicas

Santiago, 02.01.2017.- A Televisión de Galicia foi a canle autonómica máis vista en España no mes de decembro, rachando así anos de liderado da televisión catalá, que quedou 0,6 puntos por debaixo. A TVG acadou así unha cota de pantalla, ou share, do 11,4% no total día. Estes resultados foron posibles grazas a unha programación que obtivo o claro apoio dos galegos e as galegas, onde sobresaen a forza dos informativos e programas de entretemento para a toda a familia, e tamén pola boa audiencia de espazos consolidados na grella da TVG como 'Land Rober Tunai Show', 'Bamboleo', 'Luar', ou a serie policial 'Serramoura'.

ler máis

A nova onda do Estudo Xeral de Medios confirma a TVG como líder absoluta de audiencia en Galicia

02/07/2015

Cun share do 19,2%, a canle autonómica galega revalida esta posición por terceira vez consecutiva e incrementa en 7 décimas os seus datos con respecto ao período inmediatamente anterior

A Televisión de Galicia lidera tamén o período comprendido de luns a venres e a faixa de maior consumo televisivo, destacando especialmente os rexistros da sobremesa, en que a súa cota de pantalla ascende ata o 35,8%

A nova onda do Estudo Xeral de Medios confirma a TVG como líder absoluta de audiencia en Galicia

Santiago, 02.07.2015.-    A segunda onda do Estudo Xeral de Medios (EXM), realizada durante os meses de abril e maio, confirma novamente a TVG como a canle máis vista en Galicia, cunha cota de pantalla do 19,2%. A Galega non só revalida, por terceira vez consecutiva, este liderado, senón que tamén incrementa a súa audiencia en 7 décimas con respecto á onda inmediatamente anterior.

O competidor máis próximo da Televisión de Galicia é Antena 3, cunha cota do 13,2%, o que sitúa a canle privada a 6 puntos de distancia. Aínda que as canles de Mediaset continúan sen aparecer no informe do EXM, cómpre salientar que na terceira onda de 2014 a TVG xa superara a Tele 5 e fora a canle máis seguida en Galicia.

No período comprendido de luns a venres, a canle pública galega tamén lidera as audiencias, nesta ocasión cun share do 19,9%, a unha distancia aínda maior (7,1 puntos) da oferta máis próxima, que volve ser a de Antena 3.

No que se refire á faixa de noite (20.00-04.00 h.), en que se rexistra o maior consumo televisivo, a Televisión de Galicia tamén foi líder, cunha cota media de pantalla do 15,3% no conxunto da semana.

Por días da semana, cómpre salientar os datos de audiencia dos xoves, día en que a canle autonómica rexistra unha cota do 25,1% no conxunto do día. Por faixas horarias, destaca especialmente a de sobremesa (13.00-17.00 h.), en que a TVG acada unha cota de pantalla do 35,8%.

As diferenzas con respecto aos datos facilitados por Kantar Media co seu sistema de audimetría son, no ámbito galego, especialmente notables no caso da TVG, con 10 puntos de diferenza entre un estudo e o outro.

ler máis

A Radio Galega incrementou a súa audiencia en case un 20% e gañou 23.000 novos oíntes na segunda onda do EXM

02/07/2015

A emisora autonómica rexistrou 141.000 seguidores no conxunto da semana
e 153.000 no período comprendido de luns a venres

A Radio Galega incrementou a súa audiencia en case un 20% e gañou 23.000 novos oíntes na segunda onda do EXM

Santiago, 02.07.2015.-    Segundo os datos da segunda onda do Estudio General de Medios (EGM), correspondentes aos meses de abril e maio, a Radio Galega incrementou a súa audiencia en case un 20% e gañou 23.000 novos oíntes de luns a domingo. A emisora autonómica rexistrou 141.000 oíntes no conxunto da semana e 153.000 no período comprendido de luns a venres.

Con respecto á mesma onda de hai un ano, a RG foi quen de lograr 25.000 novos oíntes de luns a venres e 24.000 de luns a domingo, o que en termos porcentuais significa un incremento do 19,5% e do 20,5% respectivamente.

Se se teñen en conta as audiencias do denominado ano móbil, o comprendido entre outubro de 2014 e maio de 2015, a audiencia da Radio Galega medra ata os 157.000 oíntes de luns a venres e ata os 142.000 no conxunto a semana.

Pola súa parte, Radio Galega Música acada nesta segunda onda do EXM 16.000 oíntes de luns a venres e 15.000 e luns a domingo.

ler máis