CRTVG

Buscar

CRTVG Viva

Grande acollida onte de "Serramoura", a nova aposta de ficción da Galega, na súa preestrea

03/10/2014

Centos de asistentes, na súa maioría do sector audiovisual, déronse cita no Auditorio Abanca de Compostela para ver o primeiro capítulo

O público presente respaldou a produción cunha ovación pechada ao remate da emisión

Numerosas facianas coñecidas apoiaron coa súa presenza a presentación da serie, que poderá verse en todos os fogare

Grande acollida onte de "Serramoura", a nova aposta de ficción da Galega, na súa preestrea

Santiago, 03.10.2014.-   Unha das grandes apostas de ficción da Televisión de Galicia para esta temporada, "Serramoura", tivo onte a súa posta de longo ante un nutrido público, na súa meirande parte procedente do sector audiovisual. Centos de persoas encheron o Auditorio Abanca de Santiago de Compostela no acto de presentación da serie onde se puido ver o primeiro capítulo, previa a súa estrea este domingo, ás 22.00 horas.

ler máis

Outono de series na TVG, que estreará proximamente "Serramoura", "Casa Manola" e a segunda temporada de "O Faro"

21/09/2014

O concurso de novos talentos do humor “Os Aspirantes”, as historias singulares de “Somos Ben Curiosos” e as vivendas máis espectaculares e orixinais de Galicia, da man do programa “Que Casas!”, son outras das novas apostas

Os espazos “A Casa da Conexa”, “Galegos no Mundo” e “Na Nosa Nube” comezan a semana que vén nova temporada

Outono de series na TVG, que estreará proximamente "Serramoura", "Casa Manola" e a segunda temporada de "O Faro"

Santiago, 21.09.2014.-   Suspense, comedia, entretemento, humor, curiosidades e novos talentos son os piares básicos da programación que a Televisión de Galicia deseñou para este outono, en que as series serán as auténticas protagonistas da grella.

Proximamente estrearase, en horario nocturno de máxima audiencia, “Serramoura”, unha ficción que nace coa intención de ser outro grande éxito da canle autonómica galega. Realizada por Voz Audiovisual -responsable de éxitos de audiencia como “Padre Casares” ou “Matalobos”- e ambientada no mundo da madeira, levará os espectadores por algunhas das paraxes forestais máis belas, amosando a Galicia máis verde, pero tamén a máis misteriosa.

“Serramoura” conta a historia dunha pequena e tranquila vila do interior, que vive da explotación dos seus recursos madeireiros e en que dúas familias, os Soutelo e os Fiuza, loitan polo control do negocio. Este escenario recoñecible verase bruscamente alterado ao aparecer morta, brutalmente asasinada, unha das súas veciñas. Lucía Regueiro, Miguel Ángel Blanco, Antonio Mourelos, Alfonso Agra, Isabel Naveira, Xavier Deive, Uxía Blanco e Sabela Arán son algúns dos actores que darán vida aos personaxes da serie.

O contrapunto cómico porao “Casa Manola”, unha comedia costumista que se desenvolve nunha pequena vila da xeografía galega. Esta nova serie narra as peripecias de Nacho (Víctor Mosqueira), que, xunto coa súa muller Vero (Isabel Blanco), despois de quedar sen traballo na cidade, ten que volver á súa vila natal para vivir na casa da súa nai, Manola  (María Costas). Esta, que vive co seu irmán Barrantes (Evaristo Calvo), reformara a casa herdada de seus pais cunha subvención pública, co compromiso de convertela nun negocio de turismo rural, algo que nunca fixo. Agora terá que aloxar o hóspede máis querido e o máis odiado, o fillo e a nora, respectivamente. Entre todos, a casa de turismo rural comezará a funcionar.

Ademais, o outono da Galega trae boas noticias para os seguidores da serie “O Faro”, xa que esta ficción, que se converteu nun éxito de audiencia nas sobremesas da TVG durante a súa primeira temporada, iniciará a partir do mes de outubro unha nova andaina, retomando os conflitos entre as familias Muñoz e Peña.

Seis meses despois do punto en que quedou a trama, os espectadores descubrirán que, contrariamente ao que podía parecer, o restaurante “O Faro” segue a ser un negocio en crise. Tamén saberán que pasou entre Ricardo e Lucía, se é xa unha historia de amor morta ou, grazas ao empeño de Ricardo por recuperala, aínda pode ter futuro. Na nova temporada da serie cobrará especial importancia o personaxe de Carme, que amosará unha cara sorprendente e non será nin a que agardaban os seus fillos nin o espectador. Outras incógnitas que se resolverán son que pasou con Rosa, con Santiago e con Iolanda e Manuel. “O Faro” tamén contará desta volta con novos personaxes, coa irrupción destacada dunha persoa que porá patas arriba o mundo de Lidia.

ler máis