Nova encarga para a filial da empresa islandesa Naust Marine, situada en Nigrán. A compañía vai equipar seis arrastreiros conxeladores encargados polo grupo pesqueiro ruso Norebo. Construirán os sistemas de guindastre e paneis de control para cada un dos buques. O contrato ascende a 22 millóns de euros e máis da metade corresponderíalle á factoría galega, que xa fai plans para ampliar as súas instalacións.